RACHAEL – TELEFONI I PARË ANDROID NGA SONY ERICSSON

RACHAEL – TELEFONI I PARË ANDROID NGA SONY ERICSSON


Në
internet kanë rrjedhur disa fotografi të smartphone’ të parë nga
kompania Sony Ericsson i cili do të jetë i bazuar në sistemin operativ
Android.



Pajisja e koduar me emrin Sony Ericsson XPERIA
Rachael, në shikim të parë duket sikur një telefon fantastik, i cili
para se gjithash do të mund ti hutonte blerësit potencial, duke i bërë
ata të mendojnë nëse ky telefon është një model nga HTC apo nga Sony
Ericsson.

Telefoni punon sipas platformës Qualcomm QSD8250
Snapdragon, e cila siguron një GHz fuqi të CPU’së. Ndërsa aty është
edhe ekrani WVGA i madhësisë prej 4 inç, me kamerë prej 8 mega-piksel
me autofokus.

Rachael gjithashtu do të ketë edhe lëshuesin për
Wi-Fi, GPS, 3G dhe koneksionin HSDPA, mirëpo kjo nuk është e tëra pasi
telefoni posedon edhe portet për mini USB dhe dëgjuese të formatit
standard.

Sony Ericsson XPERIA Rachael në treg do të paraqitet
kah fundi i këtij viti, ndërsa për momentin nuk ka asnjë informatë në
lidhje me datën dhe çmimin e saktë.